قام المخرج محمد نصر بتوجيه إنتقاد شديد إلى رابطة الأندية المصرية بسبب موعد إقامة مباريات النادي الإسماعيلي في الساعة الرابعة عصرًا دون وجود أي مساواه مع باقي الأندية الجماهيرية.

وكتب محمد نصر عبر حسابه الشخصي: كلمة حق ..الاسماعيلى اكتر فريق فى الفرق الجماهيرية بيلعب العصر فى الاسماعيلية او برة ارضه ولان الاسماعيلى طول عمره بيلعب كورة حلوة وممتعة هيلعبها ازاى فى الجو الحر الخانق ده.

وأضاف: ضيف على كدة هو الفريق الجماهيرى ومعه بلدية المحلة اللى بيلعب ١٨ ماتش خارج الاسماعيلية ومفيش فريق جماهيرى او خاص او شركات وهيئات بيلعب الرقم ده خالص.

وتابع: مع ذلك الفريق بيقاوم وبيحاول مع القدير ايهاب جلال اسعاد جماهيرهم على قدر الامكانيات المتاحة بعدم وجود صفقات وازمات مالية..و جماهيرهم بصراحة بتساندهم وصابرة عليهم مهما كان مركزهم فى الدورى وعمرها ماتخلت عنه.. وبعد كل ده نسأل هو ليه الاسماعيلى بعيد عن المربع الذهبى!