انتقد عماد سليمان نجم النادي الاسماعيلي في عصره الذهبي و عضو اللجنة الفنية السابق موقف لاعبوا الفريق الحاليين تجاه النادي بعد رفضهم نزول مران الأمس الا بعد الحصول على مستحقاتهم المتأخرة.
و قال ”العُمدة“ في تصريحات إعلامية: “الإسماعيلي نادي كبير وهو اللي عمل أسامينا وصنع لاعيبة كتير اوي، ده نادي عريق وله اسمه، ميستحقش اللي بيحصل فيه”.
و أضاف: “لازم الكل يساند الإسماعيلي ويقف جنبه، الإسماعيلي اكتر نادي ادي لمنتخب مصر لاعيبة وحققت انجازات”.
و تابع: “وضع صعب جدا لما يكون في خصومة بين اللاعبين ومجلس الإدارة هيتعاملوا مع بعض ازاي بعد كدة، مينفعش اللاعيبة تطلع ترد بالشكل ده علي بيان مجلس الإدارة، احنا اكبر من كدة، احنا مش في سوق!”.
و أنهى حديثه قائلاً: “أتمنى احتواء اللاعبين سريعاً واعطاء وعود وتنفيذها، نحتاج بعض الهدوء في النادي للعبور من الأزمة الحالية”.
