كما تعودنا .. ابراهيم نور الدين يهدى الاهلى الانتصار على الاسماعيلي

img

تلقي فريق الاسماعيلي هزيمة جديده و متوقعه رغم الاداء الجيد ولكن كما توقعت جماهير الاسماعيلي ان يكون نجم الاهلي فى هذا اللقاء ابراهيم نور الدين حكم المباراة الذى تغاضى عن احتساب ركلة جاء للاسماعيلي رغم استدعاؤه من الفار بينما احتسب ركلة جزاء الاهلي المعتاده دون التوجه للفار لتظل معاناه الدراويش فى جدول ترتيب الدورى العام

الشوط الاول شهد تفوق من جانب الاسماعيلي سواء فى المحاولات على المرمى او الاستحواذ على الكرة وكان الاكثر سعيا وراء هدف التقدم و اضاع شكرى نجيب فرصتين من راسيه مرت بجوار القائم و تسديده اخرى مرت بجوار القائم ايضا

ولجأ حكم اللقاء ابراهيم نور الدين للفار فى لقطة اعاقة محمد هانى مدافع الاهلي لحسين السيد و لكنه ظل يجادل مع محمد الصباحى حكم الفار و صمم على عدم احتسابها

ومع بداية الشوط الثانى حاول الاهلي الوصول لمرمى محمد مجدى واعتمد الاسماعيلي على الهجوم المرتد حتى تاتى اللقطة المعتاده فى مباريات الاهلي خاصة مع وجود ابراهيم نور الدين حكما للمباراة و يحتسب ركلة جزاء للاهلي رافضا الذهاب لرؤيتها فى الفار يحرز منها بدر بانون هدف الاهلي الاول

وبعد الهدف يجرى الاسماعيلي خمس تغييرات دفعه واحده بنزول كلا من احمد مدبولي و زياد طارق و شيلونجو و عمر الوحش و كاستيلو و خروج كلا من محمد هاشم و محمد عادل و محمد حسن و محمد الشامى و فخر الدين بن يوسف

وقبل النهاية ينجح صلاح محسن فى اضافة الهدف الثانى من كرة مرتده نتيجه هجوم الاسماعيلي بحثا عن التعادل لتمر الدقائق و ينتهى اللقاء بخسارة جديده للاسماعيلي و يستمر فى مركزه السادس عشر و يتوقف رصيده عند النقطه العاشرة  

مواضيع متعلقة

4 تعليق على “كما تعودنا .. ابراهيم نور الدين يهدى الاهلى الانتصار على الاسماعيلي”

  1. اين الإدارة هناك حكام بتخاف على اكل عيشها وليس لديهم الجرأءة الكافية للوقوف امام الأهلى أو الزمالك هل نسيت الإدارة حكاية ابن الإسماعيلية الحكم سيد فتحى وانتهت مبارة الأهلى مع طلائع الجيش بالتعادل ومن بعدها اختفى من على الساحة الكروية نهائياً هناك بالفعل حكام ملاكى للأهلى والزمالك وهناك كلمة ونصيحة أخيرة إرحلوا بكرامتكم قبل ان ترحلو مثل شجرة الدر وكافية لحد هذا وخلى شوية احترام للمعلم الكبير عثمان احمد عثمان رحمه الله .

  2. محمود حسنين

    خلاصة القول ان احنا معندناش اداره محترمه والكل بطلتش فى الاسماعيلى من اول اتحاد الكوره اللى مصمم يبعد الاسماعيلى قدام الاهلى عن الاسماعيليه علشان يدى حصانه للحكام وخصوصآ الحكام الملاكى للاهلى وده مش اول مره نور الدين يظلم الاسماعيلى بس الاداره مش فارقه معاها حرقه دم الجمهور الغلبان وكمان اللاعبين اللى معندهمش دم ولا نخوه احنا لما كنا بنلعب فى الملاحه ماكناش بنلعب بالبرود ده حسبنا الله ونعم الوكيل .

  3. يا راجل اتكسف علي دمك الاسماعيلي مكنش لة وجود في الشوط الثاني وهل الاهلي بطل افريقيا وثالث كأس العالم للاندية يحتاج معاونة الحكم علي فريق لم يفوز في الدوري سوي في مباراة واحدة والباقي اما تعادل او هزيمة وادارة فاشلة فشل زريع و لا تجيد سوي المراوغة وتضليل جماهيرها والبحث عن شماعة تعلق عليها فشلها

  4. هوا برده الي يتكيف علي دمه محللين قالو ضربه جزاء الاهلي غير صحيحه وحسين السيد متعرقل في منطقه الجزاء واضحه لاكن نور الدين حكم ظالم وحكم اهلاوي لازم يهدي الاهلي المباراه عند في الزمالك ده حتي مدحت شلبي بيزيع مباراه الاهلي فقط علشان هوا اهلاوي والله حرام حسبي الله ونعم الوكيل في كل الي ظلم الاسماعيلي وبرده الاسماعيلي موش هينزل درجه تانيه بأهلي وقاعد علي قلبك زي الشوكه في ظورك

اترك رداً