لحظة بلحظة

شكري نجيب: لا أحسبها ماديًا مع الاسماعيلي .. و لعبت الدور ثاني كاملاً مصابًا

رد شكري نجيب مهاجم النادي الاسماعيلي على بعض الشائعات التي انتشرت في الآونة الاخيرة، بشأن رفضه تجديد تعاقده الذي انتهى بالفعل مع النادي بنهاية الموسم.

و قال نجيب في تصريحات عبر حسابه الشخصي على انستجرام: “انا من طبيعتي لا بتكلم ولا بحب أتكلم في أي تفاصيل علي السوشيال ميديا ولا مع حد سواء قريب أو غريب و دي أول مرة اتكلم فيها و كل ما يقال عني إجتهادات شخصية”.

و أضاف: “طول عمري بلعب في النادي بدون ما اتكلم في اي تفاصيل سواء مادية أو غيرها والدليل شوفوا عقدي في إتحاد الكوره وهتعرفوا وتتأكدوا إني مش بحسبها مع نادي الإسماعيلي رغم إني تاني كابتن للفريق”.

و تابع حديثه: “كل ما يقال علي لسان غيري ليس له اساس من الصحه ولو إتكلمت عن التفاصيل كل الناس هتتعاطف معايا لكن في النهاية انا اتربيت علي الأصول ومش محتاج حد يتعاطف معايا محتاج بس الناس تكون عندها ضمير و ماتتكلمش بلساني و تاخد قررات بالنيابه عني”.

و أنهي نجم الدراويش حديثه قائلاً: “أنا حاليا بتعالج من إصابه طول الدور التاني بلعب عليها وأنا مصاب لكن كنت باجي علي نفسي علشان وضع الفريق الموسم ده والوقت ده لازم انا إلي أتحمل المسؤولية مش منتظر شكر من حد أنا براعي ربنا في شغلي لكن مش منتظر إجتهادات كلها باطله”.

و يعتبر شكري نجيب هو ثاني هدافوا الدراويش في دوري هذا الموسم برصيد ٩ أهداف، خلف التونسي فخر الدين بن يوسف الذي أحرز ١١ هدفًا اعتلى بيهم صدارة الهدافين لبرازيل العرب.

مقالات ذات صلة

اترك تعليقاً

زر الذهاب إلى الأعلى