حسني عبدربه : لم أشك لحظة في عدم الفوز على فيوتشر .. ولدينا لاعيبة «رجالة»

قال حسني عبدربه مدير الكرة بالنادي الاسماعيلي أن الفريق حقق انتصارًا مستحقًا سواء على سموحة أو فيوتشر خلال الـ72 ساعة الماضية على مستوى بطولة الدوري العام.

و قال عبدربه في تصريحات إعلامية: ” الحمدلله قدرنا نحقق الفوز في مباراة صعبة أمام فيوتشر فريق كبير وجبنا هدف في الدقائق الأخيرة”.

و أضاف: “لعبنا ماتشين في 48 ساعه ودي حاجه صعبة جداً علي اللاعيبة ومبتحصلش في اي مكان في العالم”.

و تابع: “الجهاز الفني شغال بكل إخلاص وحب علشان ده نادينا والوضع صعب جداً علينا ، الإسماعيلى مش هيرجع غير بتكاتف الجميع إدارة وجهاز فني ولاعيبة والجمهور”.

و أنهى حديثه قائلاً: “مكانش عندنا شك أن ربنا هيخذلنا ومحستش لحظة ان احنا مش هنكسب حتى بعد استقبال الهدف الاول، بشكر اللاعيبة جدا علي الاداء الرجولي والروح و بقولهم لسه عندكم كتير”.