نجلة أدهم السلحدار توجه رسالة تحفيزية للدراويش
وجهت الآنسة روان السلحدار، نجلة أسطورة النادي الاسماعيلي الراحل أدهم السلحدار، رسالة تحفيزية للنادي الاسماعيلي و لاعبيه على أمل خروج الفريق من المرحلة الصعبة التي يمر بها.
و كتبت نجلة نجم الدراويش الراحل عبر حسابها الشخصي: “من و أنا صغيرة بابا دايما كان بيكلمنا عن ذكرياته في النادي الإسماعيلي و دايما بيتكلم بحماس و تأثر و فرحة غريبة و علي مدار السنين”.
و أضافت: “عمر الحماس ده ما قل لأ ده كان بيزيد ، لما كنا نسمعه في البيت بيزعق من فرحة جوول كنا بنعرف أنه اكيد بيتفرج علي ماتش للإسماعيلي”.
و استكملت حديثها المؤثر قائلة: “دايما كان عنده ثقة و حب في النادي الإسماعيلي مش طبيعية ، كان هويته و الحاجة اللي بتفرحة”.
و أنهت حديثها: “بابا دايما كان واثق فيه و أنه هيقدر و إحنا كمان،مفيش حاجة مستحيلة بإذن الله و زي ما بابا قال : حبوا بعض ، باصوا لبعض ، هنوصل .. ادعم النادي الاسماعيلي”.