الاسماعيلي يستعيد فصوله البارده ويخسر على ملعبه امام سموحه
عاد فريق الاسماعيلي سريعا الى فصوله البارده بعد الاداء الرائع فى اللقاء الماضى امام بيراميدز و تلقي اليوم هزيمة جديده على ملعبه هى الهزيمة الرابعه له هذا الموسم امام فريق سموحه بهدفين نظيفين فى اللقاء الذى جمع الفريقان على ملعب النادى الاسماعيلي فى اطار مباريات الاسبوع الحادي عشر من مسابقة الدورى العام
هدف الشوط الاول الوحيد احره عبدالكبير الوادى اللاعب المغربى مستغلا خطأ فادح من محمد صبحى حارس مرمي الاسماعيلي الذى حاول مراوغه ايريك مهاجم سموحه ليهدي الكرة للمغربي عبدالكبير الذى يودعها بسهوله فى الشباك
مجمل احداث الشوط الاول دون المستوى من جانب لاعبي الاسماعيلي ولم تشكل هجماته على مدار شوط بالكامل اى خطورة حقيقيه على المرمى لينتهى الشوط الاول بتقدم فريق سموحه بهدف دون رد
ومع بداية احداث الشوط الثانى دفاع دراجان بشكرى نجيب بدلا من اري بابل ليشعل نجيب الملعب حماسا و تعددت الفرص و التصويبات على مرمى الهانى سليمان و لكن التسرع فى انهاء الهجمات كان له دور كبير فى ضياع الفرص تباعا
ثم يدفع المدير الفنى للاسماعيلي بكلا من عمر الوحش و شيلونجو و عبدالله جمعه و حسين السيد بدلا من كاستيلو و محمد صادق و محمد بيومى و محمد حسن
ومع الدقائق الاخيرة كثف الاسماعيلي من هجماته و اعتمد فريق سموحه على الهجوم المرتد و من الهجمة الوحيد للفريق السكندرى فى الشوط الثانى يحصل مصطفى فتحى على ركلة جزاء سددها داخل الشباك محرزا الهدف الثانى و هدف قتل المباراة ليطلق بعدها حكم اللقاء صافرته معلنا نهاية المباراة و هزيمه جديده للاسماعيلي على ملعبه ليتازم موقف الفريق فى مسابقة الدورى العام
ارجوكم أسرعوا في سد الغرامه
الناس أعصابها مشمستحمله
طيب وبعدين نتعاقد مع لعيبه السكه الحديد علشان نفرم الفرق كلها يا جماعه صبحي فاشل ولا يصلح حارس مرمي ده يلم الكور من ورا الجون وممكن كمان مايعرفش كافه مجاملات ونبدا صح بالله عليك يامهندس عثمان كمل جميلك ورمي صبحي برا الاسماعيليه حتي لو كده خليه يلعب مع فريق بعيد عن الاسماعيلي انا حزين علي ترتيب الفريق بالدوري والله حرام نوصل لهذه الدرجه ياريت نرجع زي الاول حتي لو المركزالسابع لان كده نعتبر اننا في نهايه الجدول
وشكر يا هندسه
الفريق مصمم على نزول درجه ثانيه والله يسامح رئس النادي (الله لايسامحه) أما محمد صبحي حبه فوق وحبه تحت) وسلَملي علي المكسج شولونجو) وليه العجوز كان قاعد زي الطفل المقموص والله اللعيبه دي مرضي نفسيين وعلي فكره قررت عدم مشاهدة مباريات الفريق وهبطل أتفرج علي كوره نهائي
احنا عندنا لعيبه محترمه جدا لاتقل عن لعيبه اي فريق في الدوري بل احسن بس ينقصهم التنظيم في الملعب والالتزام بتعليمات المدرب ولازم نخلص النوايا الكلام طبعا للكابتن العجوز علشان كان فيه لقطه مش حلوه مع المدرب الجديد وبعدين لابد من تعين دكتور نفسي للنادي الاسماعيلي علشان العيبه دي عايزه دكتور نفسي علشان يرجعلهم الثقه
يعني الكل عمال يهري وناسي حاجة مهمة وهي إن السادة اعضاء الجمعية العمومية راحوا وانتخبوا السيد عثمان بك ونسم إن هو نسه اللي دمر الإسماعيلي بتطفيشه خالد بيبو وتركه محمد بركات للانتقال وبعد كده بيعه لإسلام الشاطر للزمالك وهو اللي فرط في عماد النحاس وبعد كده يجيي إبراهيم بك يترشح والناس تقوم تنتخبه وتنسى الكوراث اللي عملها ده جاي بيصفي حسابات مع الإسماعيلي مفروض إنه بقى يتفضل ويسيب النادي وعايزين يفهمونا إن الخمس مكسحين اللي جابهم في الانتقالات الشتوية هما دول اللي حيرفوعوا الإسماعيلي بأمارة إيه لو كان فيهم خير مكنش رماهم الطير سواء سيراميكا أو طلائع الجيش أو حرس الحدود كفاية بقى
الف خساره على ناشئ الاسماعيلى متصعد ياعم معقوله محدش يستاهل وبدل الشحاته من الانديه حد يتعب ويروح يدووريات الظالمين والله هيلاقى لعيبه تستاهل الله يرحم أيام شحته وفريقه
ياريت نفوق بقى ونلاعب شكري نجيب والشامي وبابل وهتشوف مباراة جميلة وياريت صبحي يبعد شوية ونهتم بالصحراوي وعمار ومحمد عادل وفين مدبولي وعماد حمدي ولأن الوحش بعيد عن المستوى وياريت نرتب البيت صح.
ولي طلب لازم نهدى على اللاعبين لأنهم عندهم كتير بس الضغط النفسي عليهم كبير وياريت ننسى ونركز والله المستعان.
يا نااااااس بالله عليكم حد يقولهم شيلنجو ده اخره يبيع فجل وجرجير مينفعش مهااااجم مشوه ببلاش والله ماعاوزين فيه خمسه جنيه حتا وارحمونا منه ده عندو شلل اطفال ياريت توصلو الرساله دي للسيد ريئس النادي
المثل الشعبى يقول ” ماذا تفعل المشطة فى الوجه العكر ” بالبلدى ماذا يفعل المدرب مع لاعبيه مكسحه ولا تقوى على الوقوف فى ارضية الملعب وماذا فعلت صفقات يناير اقسم بالله ولو جاب الإسماعيلى زين الدين زيدان مدرب سوف يعتزل التدريب وينسى كرة القدم بسبب هذه اللاعيبة وأيضا على رأسهم الإدارة الفاشلة وكما قلت فى تعليق سابق نتقابل العام القادم فى دورى الدرجة الثانية وسلم لى على برازيل مصر والعرب !!!!!!!!!!!!!!!!