تحدث محمود عبد الرازق شيكابالا، نجم الزمالك والإسماعيلي ومنتخب مصر، عن الأزمة التي يمر بها النادي الإسماعيلي، مؤكدًا حزنه الشديد على الوضع الحالي الذي يعيشه الدراويش.
وقال شيكابالا: “أنا زعلان جدًا على الإسماعيلي، أنا لعبت في النادي وبتشرف إني لبست تيشيرت الإسماعيلي، وبحب الإسماعيلي قبل ما أروح أصلًا.”
وأضاف: “اللي لعب في الإسماعيلي وشاف جمهور الإسماعيلي والأجواء عندهم والاستاد متقفل، الناس دي معندهاش غير الإسماعيلي، الناس دي عايشة عشان الإسماعيلي وتيشيرت الإسماعيلي.”
وأكد شيكابالا ثقته في قدرة الدراويش على العودة، قائلًا: “الإسماعيلي هيرجع تاني الدوري، بس لازم الوزارة تشوف حل لمشاكل النادي.”
وطالب نجم الدراويش السابق بضرورة دعم الإسماعيلي بشكل عاجل، موضحًا: “الإسماعيلي لازم يتم مساعدته ودعمه لحل أزماته سريعًا علشان يقدر يفك القيد، لازم المسؤولين يوجهوا الرعاة للنادي الإسماعيلي، هيكسبوا كثير.”
